Şervanê YBŞ’ê Mecdel Hesen Xelef ku duh di êrîşa hewayî ya dewleta Tirk a dagirker de li gundê Rezka ya ser bi Tilizêra Şengalê şehîd bû, îro bi merasîmeke tê oxirkirin. Cenaze wê piştî merasîma leşkerî û wecîbeyên olî, li goristana Şebil Qasim were definkirin.
March 9, 2024
20
Duh di saetên êvarê de balafira bêmirov û biçek a dewleta Tirk li gundê Rezka ya ser bi Sikêniyê ya Tilizêrê êrîşek pêkanî. Di encama êrîşê de şervanê YBŞ’ê yê bi navê Mecdel Hesen Xelef Xelîl ê ji Tilizêrê ya Şengalê bû, bi giranî birîndar bûbû. Duh ji bo dermankirinê ku rakiribûn nexweşxaneyeke Mûsilê, ji ber birîna wî giranbû şehîdbû.
Îro cenaze ji Mûsilê derbasî nexweşxaneya Şehîdên Xanesorê hate kirin. Girseya gel a li ber nexweşxaneyê kombû, cenazeyê şehîd Mecdel Hesen Xelef girtin û bi karwaneke girseyî berbi mala şehîd ya li geliyê Rimê ya ser bi Sinûnê ve birin.
Piştî wecîbeyên olî yên li mala şehîd Mecdel, wê li Şehîdgeha Şehîd Dilgeş û Şehîd Berxwedan merasîmeke leşkerî were çêkirin. Paşê jî li goristana Şebil Qasim bispêrin axê.
