Li Borikê jî li dijî artêşa Iraqê çalakî pêk hat 

Çalakiyên civaka Êzidî yên ji bo derxistina artêşa Iraq ji gund û bajarên Şengalê li Borik a Şengalê berdewam kir. Çalakvan bi biryardarî dixwazin artêş ji gund û bajaran derkeve, tenê şirte û Asayîşa Êzidxanê hundirê gund û bajaran de bimîne û parastinê bikin.

Li Şengalê civaka Êzidî ji bo artêşa Iraqê ji gund û bajaran derbikeve çalakiyên xwe berfirehtir dike. Çalakiyên ku li Komalgeha Dîgurê destpêkirî piştî derbasî Duhola bû herî dawî di van kêliyan de li Borik jî berdewam dike.

Xelkê Şengalê di saet 16:30’ê de daket kolanan, mifreqa Borik ji trafîkê re girtin û çalakî pêkanîn. Çalakvanan li ser cadeya giştî tekelên wesayîtan şewitandin û daxwaza derketina artêşa Iraqê ji gund û bajaran kirin. Çalakvanan gotin ku heya artêş ji herêmê dernekeve yê çalakiyên xwe bidomînin. Çalakvanan dirûşmên wek,“Bijî Bijî Aşitî”, “Na ji kuştina di bajaran de”, “Bila artêş ji bajaran derkeve” berz kirin.

Li Şengalê piştî ku di 2’yê Gulanê de êrişên artêşa Iraqê sekinî, ev çend roj in ku civaka Êzidî bi çalakiyên cûda helwesta xwe ya li hemberî artêşa Iraqê nîşan dide û li dijî polîtîkayên şer disekine.

Herî dawî li Komelgeha Duhola artêşê mudaxaleya çalakvanan kirîbû û konê çalakiyê hilweşandîbûn, kursiyên wan şikandîbûn.

Çalakiya li Borikê jî tevî baranê bi biryardariyek mezin pêk hat.

ROJNEWS-ŞINGAL

Show More
Back to top button