‘Iraq amadeye giliyê Tirkiyeyê bike’

Endamê Lijneya Asayîş û Parastinê ya Parlamentoya Iraqê Ebas Sirut derbarê binpêkirinên dewleta Tirk yên li ser serweriya Iraqê, ji Rojnews re axivî.

Ebas Sirut dibêje, endamên Lijneya Asayîş û Parastinê yên Parlamentoyê û fraksiyonên siyasî ên ku hebûna hêzên biyanî li Iraqê red dikin, derbarê hebûna dewleta Tirk û êrişên wê de, lêkolînên xwe temamkirine. Ebas got ku wê di rojên bê de dengên dijî hebûna biyaniyan ya li Iraqê bihêz bibe.

Ebas di dawiyê de jî dibêje; “Ji ber zextên li ser Wezareta Karê Derve ya Iraqê heyî, divê dijî dewleta Tirk, li gel Neteweyên Yekbûyî giliyê Tirkiyeyê were kirin.”

Hêjayî gotinê ye balafirên dewleta Tirk a dagirker di 16’ê Tebaxê de li Bazara Kevin ya dikeve navenda Şengalê, wesayîtek bombebaran kir. Di enama êrişî de Fermandarê Yekîneyên Berxwedana Şengalê Seîd Hesen û şervanê YBŞ’ê îsa Xudêda şehîd bibûn.

Herwiha duh jî balafirên dewleta Tirk a dagirker li gundê Sikêniyê komkujiyek pêkanî. Balafiran Nexweşxwaneya Gundê Sikêniyê ya Şengalê bombebaran kir û di encamê de 8 kes şehîd bûn û 4 jî birîndar bûn.

ROJNEWS-NAVENDA NUÇEYAN