Cenazeyê Rasho yê li Mîdyatê hate qetilkirin şandin Şengalê
Cenazeyê Baran Hasan Rasho ku 6'ê Tebaxê li navçeya Mîdyatê ya Mêrdînê ji aliyê Serkan O. ve hate qetilkirin şandin Şengalê.
Baran Hasan Rasho 6’ê Tebaxê li taxa Ebşî ya navçeya Mîdyatê ji aliyê Serkan O. ve hatibû qetilkirin.
Cenazeyê Rasho ji aliyê malbata wî ya ji Ewropayê hat ve ji morga Nexweşxaneya Dewletê ya Mîdyatê hate wergirtin.
Bav Hasan Rasho Alî li Mîdyatê ji aliyê komek ji Êzidiyan ve hate pêşwazîkirin û destpêkê gilî kir.
Parlamentera HDP’ê ya Êlihê Feleknas Ûca, endamên Meclîsa Jinê ya HDP’ê ya Mêrdînê û Tevgera Jinê ya Azad li pêşiya morgê malbat pêşwazî kir.
Alî axaftineke kurt kir û anî ziman ku sala 2014’an ew neçar man ji zilma DAÎŞ’ê birevin, lê heman zîhniyetê li cihê ku wan xwe lê girtin derketiye hemberî wan.
Hevseroka HDP’ê ya Mêrdînê Perîhan Agaoglû jî xwest daxuyaniyekê bide, lê polîsan asteng kirin.
Di dema nîqaşê de jinan dirûşma “Jin, jiyan, azadî” qîriyan. Parlamentera HDP’ê Feleknas Ûca jî anî ziman ku Rasho yê ji komkujiya DAÎŞ’ê reviya, li welatê ku xwe lê girt ji aliyê heman zîhniyetê ve hate qetilkirin. Cenazeyê Rasho piştre şandin Şengalê.
ANF-MÊRDÎN
