Bernameya çalakiyên ji bo fermana 3’yê Tebaxê hate eşkerekirin

Li avahiya Desteya Rêveber a Şengalê bi tevlîbûna endamên desteyê civînek pêk hat. Civînê bi deqeyek rêzgirtina ji bo ruhê şehîdan destpê kir. Di civînê de amadekariyên 4. Kongreya Meclîsa Xweseriya Demokratîk a Şengalê û çalakiyên ji bo fermana 3’yê Tebaxê werin kirin hate destgirtin. Ji bo kongre di demek nêzik de pêk were komîsyonek hate diyarkirin.

Herwiha mijara hilbijartina Iraqê û tevlîbûna Êzidiyan hate nîqaşkirin.

Di civînê de ji bo çalakiyên ji bo 7’emîn salvegera fermana 3’yê Tebaxa 2014’an Komîteya Amadekar a Çalakiyan hate avakirin.

Li gorî bernameya hatî diyarkirin çalakiyên werin kirin wihane:

Wê di 16’ê Tîrmehê de li tevahiya Şengalê pankar werin daleqandin.

Wê di 18’ê Tîrmehê de korîdora mirovahiyê were bîranîn.

Wê di 19’ê Tîrmehê de Dayê Erzan a ku di navbera Sinûnê û Komelgeha Digurê de ji aliyê çeteyan ve hatî qetilkirin were bîranîn.

25’ê Tîrmehê ji aliyê Tevgera Azadiya Jinên Êzidî (TAJÊ) ve meşek were lidarxistin.

Wê rojên 27, 28 û 29’ê Tîrmehê ji aliyê Navenda Çand û Hunerê ve şano were pêşkêşkirin.

30’ê Tîrmehê ji aliyê Yekîtiya Ciwanên Êzidî û Jinên Ciwanên Êzidî ve meşek were lidarxistin.

1’ê Tebaxê komcivînek ji aliyê TAJÊ ve tê lidarxistin.

Di 1 û 2’yê Tebaxê de Saziya Malbatên Şehîdan û PADÊ serdana gorên şehîdan bike.

Wê di 3’yê Tebaxê de di saet 09.00’an de li Sinûn û Şengalê ji aliyê PADÊ çalakî were lidarxistin.

Di 3’yê Tebaxê de di saet 10.00’an de 5 deqeyan jiyan were rawesandin.

Di 3’yê Tebaxê de wê di saet 15.00’an de meşa giştî pêk were.

ROJNEWS-ŞENGAL