YBŞ: Hevalê me Emîn Sebawî şehîd bû

Berfirehiya daxuyaniya YBŞ’ê wiha ye:

“Hevrêyê me Emîn Sebawî roja 4’ê Nîsanê ji ber encama nexweşiyeke gihîşt karwanên şehîdan. Rêheval Emîn di merheleya ku çeteyên DAIŞ’ê xwestibûn yekitiya gelê Ereb û Êzidiyan tune bikin de tevlî nava refên me bû. Di sala 2017’an de piştî rizgarkirina gundê Medibanê ew jî bi dilsozî biryara xwe da û ji bo parastina xaka Şengalê erkên giran da ser milê xwe. Ruxmê ku nû tevlîbûbû çi erk ketiye ser milê wî bi dilnizmî pêk aniye û bûye mînak ji bo hevalên derdora xwe. Her çiqas hevalek ciwan bû jî bi sekna xwe ya leşkerî û jiyanî her tim di asta pêşengtî de rol leyist. Di sala 2017’an li dijî çeteyên hovane ya DAIŞ’ê û zihniyeta wî ya dijmirovahiyê re şer kirin û hemberî van çeteyan berxwedayîn, fedakartî û wêrektiyek pir mezin dixwest. Rêheval Emîn Sebawî jî di pêvajoyek wiha giran û xeter de ji bo tunekirina çeteyan, parastina xaka xwe û gelê heremê kir û di berxwedana dîrokî de cihê xwe girt. Di serî de em sersaxî ji bo malbat û eşîra Bineseba ya rêheval Emîn Sebawî dixwazin û soza ku me ji bo şehîdên xwe daye em car din dûbare dikin. Doza rêhevalê Emîn a ku heta dawî pê bawer kir û bê tereddût jiyan kir, emê jî li ser vê bingehê ala berxwedaniyê hilbigrin û bi serkeftinê ve tacîdar bikin.

Nasnameya hevreyê me wiha ye;

Nasnav: Emîn Sebawî

Nav û paşnav: Casim Mihemed Xidir

Navê dê û bav: Hatice – Mihemed

Cih û dîroka tevlîbûyînê: 2017 – Medîban

Cih û dîroka şehadetê: 4ê Nîsan 2021 – Mediban”

ÇAVKANÎ: ROJNEWS