Mezlûm Ebdî: Êriş wiha bidomin dê bersivên me jî hîn xurtir bin

Fermandarê Giştî yê Hêzên Sûriyeya Demokratîk (QSD) Mazlûm Ebdî têkildarî êrişên dewleta Tirk a dagirker yên li ser Bakur û Rojhilatê Sûriyeyê piştî êrişa 23’yê Cotmehê ya li Enqereyê destpê kir. Ebdî diyar kir ku dewleta Tirk a dagirker ev 4 rojin bi awayekî ‘hovane’ êrişî herêmê dike û got: “Di van êrişan de sazî û sivîl bûne hedef.

Mezlûm Ebdî da zanîn ku di êrîşan de heta niha 15 jê sivîl 17 kes şehîd bûne û 39 jê sivîl 48 kes jî birîndar bûne û got: “Tirkiye ji bo tasfiyekirina Rêveberiya Xweser van êrîşan pêk tîne. 5 salin û ji bo gelê me neçarî koçberiyê bike, lê ev 5 salin encam bi dest nexistiye, nikare careke din encamekê bidest bixe.”

‘Tu eleqeya hêzên me bi çalakiyê re tune ye’

Ebdî diyar kir ku ji bo aramiya herêmê têk bibe bi israr êriş tên kirin û got, “Êrişên li herêmê ne tenê li dijî hêzên me ne. “Ev êriş ne tenê me eleqedar dikin, lê dewletên ku bi me re bazirganiyê dikin û koalîsyonan ava dikin, Rûsya jî di nav de ye.” Ebdî, anî ziman ku Tirkiye çalakiya li dijî TUSAŞ’ê weke hincet nîşan da û wiha dewam kir: “Îdia dike ku çalakger ji xaka Sûriyeyê derbasî Tirkiyeyê bûne. Ne tu têkiliya hêzên me bi vê çalakiyê re heye û ne jî çalakvanek ji xaka Sûriyê derbas bûye. Dewleta Tirk nikare vê îsbat bike. Me biryar da ku em ne li ser axa Tirkiyê û li Bakurê Kurdistanê, lê tenê li ser xaka Sûriyê tevbigerin. Pirî caran me dixwest pirsgirêkên xwe bi diyalogê çareser bikin, bi taybetî jî bi Tirkiyê re. Lê ev êrîş zirarê didin xebatên me yên diyalogê. Ger ev êrîş bi israr bidome, em ê bersiva xwe ya li dijî êrîşan xurtir bikin.”

Di dawiyê de Mezlûm Ebdî wiha got: “Bila gelê me têkoşîna xwe mezin bike. Li hemberî van êrişan helwesta xwe ya aştiyane bidomînin. “Weke hêzên QSD’ê ji bo parastina xalîçeya xwe çi pêwîst be em dikin û emê jî berdewam bikin.”