Li Helebce 15 îtîraz li ser proseya dengdana taybet hatin kirin

Li sînorê parêzgeha Helebce ji bo dengdana taybet ya dewreya şeşemîn ya hilbijartinên Parlamentoya Herêma Kurdistanê tenê yek navenda dengdanê hebû. Li Helebce ji 952 kesên ku mafê wan yê dengdana taybet heye ku 917 kesan dengê xwe daye ku ev jî rêjeya tevlîbûna dengdana taybet ya hilbijartina Parlamentoya Herêma Kurdistanê li Helebce dike ji sedî 96. Hate zanîn ku 15 îtîraz li Helebce hatine kirin.

Serokê Tora Rêkxistina Şems ya Hilbijartinan Erselan Adil ji ajansa me re têkildarî proseya dengdana taybet li Helebce wiha got; “Tişta ku îro di hilbijartinan de nedihat hêvîkirin ku pêkwere, pêk hat. Hêzên ewlekariyê bi bikaranîna telefonê di dema dengdanê de pîvanên hilbijartinê binpê kirin. Ev jî bûye sedema fikara gelek rêkxistin û aliyên siyasî.”

Têkildarî îtîrazên li ser dengdanê jî Erselan Adil got; “Zêdetirî 15 îtîraz hatine kirin, lewra piraniya aliyan jî biryar daye ku endama dawî ya dengdana taybet îmze nekin.”

Di dawiyê de got; “Yek ji binpêkirinên pîvanên parastina veşartina dengdana hilbijartinê bû ku wêneyê kesên deng bikar dianîn dihate girtin ku ev yek jî dibe sedema tu veşartin û taybetmendiyeke dengdanê nemîne û parastî nebe. Ev yek tu azadî û îradeyê ji dengderan re nahêle. Her çiqas ku me li ser vê yekê îtîraza xwe kiriye jî, lê mixabin ji aliyê aliyên peywendîdar ve ji bo pêşîlêgirtina van binpêkirinên hilbijartinê tu tedbîrên pêwîst nehatin girtin.”