Artêşa Iraqê li Duhola êrişî çalakvanan kir, alozî dewam dike
Xelkê Şengalê bi rojane ji bo artêşa Iraqê ji gund û bajaran derkeve di nav çalakiyan de ye. Artêşa Iraqê li komelgeha Duhola xwe li çalakiya gel ranegirt û êriş kir.
Li Şengalê piştî ku di 2’ê Gulanê de êrîşên artêşa Iraqê sekinî, ev çend roj in ku civaka Êzidî bi çalakiyên cûda helwesta xwe ya li hemberî artêşa Iraqê nîşan dide û li dijî polîtîkayên şer disekine.
Daxwaza sereke ya civaka Êzidî û gelên Şengalê ew e ku artêşa Iraqê ji nav gund û bajaran derkeve û car din bi çekên giran êrîşî gund û bajaran neke. Li hemberî bertek û daxwazên gel artêşa Iraqê her çiqas ji hin cihan derketibe jî, hê jî hêzeke mezin a artêşê di nav gund û komelgehan de ye.
Şêniyên Komelgeha Duhola ya ser bi şengalê jî îro bi armanca ku artêş ji komelgeha wan derkeve xwest meşek lidarbixin û kon vedin. Lê leşkerên artêşa Kazimî xwe li hemberî çalakiya gel ranegirt û êrîşî çalakvnan kirin.
Leşkerên artêşa Iraqê konê xelkê Duhola rakirin, kursiyên wan şikandin û bi darê zorê ew ji ser rêya Duhola dan aliyekî
Ji ber zextên artêşê, aloziya li Duhola berdewam dike û şêniyên komelgehê jî li hemberî artêşê bertek nîşan didin.
ROJNEWS-ŞINGAL
