Ciwanên Şengalê dijî êrîşan peyam da: Em her piştgirên xelkê Rojavayê ne

Li hemberî êrîşên dewleta Tirk a dagirker ên li ser Rojavayê Kurdistanê cîwanên Şengalê gotin “Em heya dawiyê li pişt xelkê xwe yê li Rojavayê Kurdistanê ne.”

Dewleta Tirk a dagirker ku êrîşên xwe yên li hemberî Rojavayê Kurdistanê zêdetir kirine, duh jî di saetên evarê de êrîşî herêma Kobanê kirîbû. Di êrîşa hewayî ku seyareyek kiribû hedef de, 3 şervanên QSD’ê şehîd bibûn.

Li hemberî van êrîşan ji Şengalê jî nerazîbûn bilind dibe. Yêkitiya Cîwanên Êzidî û Yêkîtiya Jinên Cîwan ên Êzidî îro têkildarî mijarê li pêşiya avahiya Meclîsa Gel a li navenda Şengalê daxuyaniyek da çapemeiyê.

Ciwanan beramberî êrîşa dewleta Tirk bi van gotinan bertekên xwe anîn ziman: “Zilm û zordariya dewleta Tirk li ser xaka Rojava ti dem nayê qebûlkirin. Em vê hovîtiya dewleta Tirk a dagirker şermezar dikin û dibêjin ku em bi dil û can li pişt civaka xwe ya li Rojavayê Kurdistanê ne, ti dem seri li hemberî dagirker û zilimkaran natewînin.”

‘Ji sîstema xweseriya demokratîk ditirsin’

Ciwanên Êzidî di daxuyanî ya xwe de bal kişandin ser sedema êrîşa dewleta Tirk a dagirker li ser xaka Rojave yê Kurdistanê û wiha pêde çûn; “Ev êrîşkariya wan ji tirsa wan ji hêz û bandora sîstema xweseriya demokratik tê, ji ber ku vê rastiyê dibinin ku hem hêz û eleqa li derdora vê sisteme mezin dibe heman demi pêkanîna wê, civakan hemû di bin banekê de tine gel hev de serkeftinên mezin bidest dixe.”

Ciwanên Êzidî di daxuyanîya xwe de bang li giştî ciwanên Êzidxanê jî kirin ku li hemberî van zext, zilm û zorê bêdeng nemînin û berxwedaniya xwe mezin bikin û tekoşîna xwe bilind bikin.

Her wiha wek ciwanên Êzidî sersaxi ji malbata şehîdan re hate xwestin. Daxwuyanî bi van gotinan bi dawî bû; “Em wek cîwanên Êzidî xwedî biryarin tekoşîn û berxwedaniya xwe bilind dikin û heya dawî jî em dubare dikin ku em li pişt xelkê xwe yên li rojavayê Kurdistanê ne.”

Berfirehiya daxwuyaniyê wiha ye;

“Em di pêvajoyek gelek hesas û girîng re derbas dibin. Di pêvajoya em têre derbas dibin de dewleta Tirk ya dagirker û hevalbendên wê bi hemû hêza xwe êrîşî hêzên azadî xwaz dike û dixwaze ji holê rake. Ji ber ku dizane gelê ku bi fikrê Rêber APO hatî perwerde kirin, bi taybet jî gelek wek yê Rojava yê Kurdistanê ku di bingeha fikir û ramanê Rêber APO şoreş pêkaniye û bi taybet gele Kurd ku di parçeyek Kurdistanê de Rêveberiya Xweser îlan kiriye. Bi taybetî girîngiya sîstema Xweserî ya netewa demokratîk ku di qada navneteweyî de eleqeyek mezin kom dike de pêk tê. Bi taybet jî cara yekeme ku hikumetek fermî, wek hikumeta Katalonya sîstema xweseriya demokratik ya Rojava fermî nas kiriye.

Di demek wiha hasas de êrîşen dewleta Tirk a dagirker li hemberî xaka Rojavayê Kurdistanê berdewam dike. Roj nine ku êrîş, kuştîn, revandin pêk nayê. Ev êrîşkariya wan ji tirsa wan ji hêz û bandora Sîstema Xweseriya Demokratîk tê, ji ber ku vê rastiyê dibînin ku hem hêz û eleqa li derdora vê sistemê mezin dibe heman demi pêkanîna wê, civakan hemû di bin banekê de tine gel hev de serkeftinên mezin bidest dixe.

Ji ber ku bandora wê li qada navneteweyî de pêk tê êrîş dikin û dixwazin hêza heyî bişkînin. Li hemberî van êrîşan berxwedaniya bê hempa ya gelan berdewam dike. Sekna serfiraz, ji xwe bawer û bi biryar pir eşkere tê jiyîn. Li gel vê yeke Erdoxan hêza gelên li Rojhilata Navîn ji bo Tirkiyê wek gefa herî mezin ilan kir û hinceta êrîşkariya xwe bi wê yeke ve girê da. Ya rastî, ev miletên behsa wan em dikin bi ti awayî ji bo ti dewletan, ti hêzan xeter nînin, gef naxwin, êrîş nakin. Ev derewa Erdoxan ji bo hinceta dagirkirin û şelandina xaka welatê me ye.

Herî dawî êrîşên xwe li ser xaka Rojava jî zêde kirin. Herî dawî seyareyek din ya sivîlan li Kobanê kirin hedefa êrîşên xwe. 3 kes şehîd ketin. Zilm û zordariya dewleta Tirk li ser xaka Rojava ti dem nayê qebûl kirin. Em wan êrîşan û hovîtiya dewleta Tirk şermezar dikin û dibêjin em bi dil û can li pişt civaka xwe ya li Rojavayê Kurdistanê ne û ti dem seri li hemberî dagirker û zilimkaran natewînin.

Em wek Yekitiya cîwanên Êzidî û Yêkitiya Jinên cîwanên Êzidî bang li hemû cîwanên civaka xwe dikin ku bila li hemberî van zext, zilm û zorê bêdeng nemînin, bila berxwedaniya xwe mezin bikin, tekoşîna xwe bilind bikin. Em dibêjin bila sere malbatên şehîdên Kobanê jî saxbe û dibêjin ev tekoşîna mafdar yê teqez bi azadiya gelan, azadiya civakan serbikeve.

Em wek cîwanên Êzidî xwedî biryarin tekoşîn û berxwedaniya xwe bilind dikin û heya dawî jî em dubare dikin ku em li pişt xelkê xwe yên li rojavayê Kurdistanê ne.”

ADAR AVESTA/ŞENGAL

Show More
Back to top button