Hêrsa dayîkên Şengalê dijî hoveberan: Hun çi ji me dixwazin?
Dayîkên ku piştî bombebarana nexweşxaneya gundê Sikêniyê ya Şengalê çûn cihê êrîşê, hêrsa xwe ya dijî dagirker û hovên ku nesîbê xwe ji mirovahiyê negirtine anîn ziman.
Piştî êrîşa balafirên dewleta Tirk a dagirker ku li dijî nexweşxaneya gundê Sikêniyê pêk anîn, dayikên Şengalê çûn cihê êrîşê û hêrsa xwe anî ziman.
Dayikên ku hêrsa wan ji ruyê wan diyar dibe gotin: “Em ji fermanê filitîbûn, hûn çi ji me dixwazin ku her roj wiha li me dikin? Xwedê mala we mîrate bike. Wijdan nemaye, dîn nemaye. Harwar e herçar aliyên me dijmin in.”
ROJNEWS-ŞENGAL
