Yek ji xalên civîna Barzanî û Kazimî Şingal bû

Serokatiya Herêma Kurdistanê di derbarê naveroka civîna Barzanî û Kazimî de daxuyaniyek belav kir.

Di daxuyaniyê de hate diyarkirin ku di civînê de li ser hevkarî, hemahengiya di navbera sazî û dezgehên Hikûmeta Iraqê û Herêmê de, her wiha rûbirûbûna terorê, rewşa Şengalê û rewşa tendirustiya Herêm û Iraqê hate niqaşkirin.

Hate gotin Mistefa Kazimî teqez li ser pêwîstiya hevkariya ewlekariyê ya di navbera Baxda-Hewlêrê de kiriye bi awayekî ku aramiya navxweyî dabîn bike û rê li ber her valahiyeke ewlehiyê bigire, da ku teror nikaribe sûdê jê bibîne.

Di daxuyaniyê de hate diyarkirin Nêçîrvan Barzanî jî behsa rêyên çareserkirina pirsgirêkên navxweyî kiriye û diyarkiriye ku divê di warê ewlehiyê de hevkariya navbera her dû aliyan de hîn zêdetir were xûrtkirin.

ÇAVKANÎ: ROJNEWS