Ji 50 partî û rêxistinên Kurd daxuyaniya Şengalê

Tam 50 Sazî û Rêxistinên Kurdistanî yên li Ewropayê derbarê gef û êrişên ser şengalê de daxuyaniyek nivîskî parvekirin û gotin êrişên li ser Rêveberiya Xweser a Şengalê, êrişên li dijî YJŞ/YBŞ, Asayîşa Êzidxanê û saziyên îradeya azad a Şengalê, tên wateya êrişên li ser tevahiya Kurd û Kurdistanê.

Di daxuyaniyê de bi navê sazî û rêxistinên Kurd berxwedana bi rûmet û dîrokî ya civaka Êzidî hate silavkirin û hate gotin; “Em bi hemû hêza xwe li civaka Êzidî û berxwedana wan a ji bo rûmeta Kurd û Kurdistanê xwedî derdikevin.”

Di dewama daxuyaniyê de hate gotin; “Di 9’ê Cotmeha 2020’î de li dijî civaka Êzidî û warê wan ê pîroz Şengalê, bi hevkariya rejîma faşîst a Erdogan, PDK û hikumeta Kazimî peymanek hate îmzekirin. Ev peyman ji bo rakirina destketiyên civaka Êzidî ji bo rakirina fermaneke nû bû. Tevî nerazîbûna tevahiya civaka Êzidî û gelê Kurdistanê jî bi dijwarî xistin meriyetê.”

Di daxuyaniyê de berxwedana 5 mehên dawî ya civaka me û gelê Kurd hate bibîrxistin û bang li rêveberiyên Hewlêr-Bexdayê hate kirin ku lihevkirina ne di berjewendiyên civaka Êzidî, Kurdistan û Iraqê de ye, betal bikin.

Saziyan destnîşan kirin ku bicihanîna vê peymanê, bicihanîna siyaseta Erdogan û Osmanîtiya nû ye û wiha dewam kirin: “Êrişên li ser Şengalê, Bakur, Rojava û Başûrê Kurdistanê bi armancekê tên kirin, ji hevdu qut nînin. Dewleta Tirk bi fetihkirina Şengalê dixwaze tevahiya Kurdistanê fetih bike.

Di daxuyaniyê de bang li gelê Kurd û Kurdistaniyan hate kirin ku ji bo Şengalê li ser piya bin û hate gotin, “Heta ku Şengal û civaka Êzidî aram û ewle bibe, divê rojeva me Şengal be. Ewlehî û aramiya Kurd û Kurdistanê ji Şengalê derbas dibe.”

Di dawiya daxuyaniyê de bang li PDK û hikumeta Hewlêrê jî hate kirin ku dest ji vê siyaseta xwe ya bêoxir berdin û bela xwe ji civaka Êzidî û Şengalê berdin. Di daxuyaniyê de hate gotin; “Êdî bes Şengalê û civaka Êzidî bikin hedef ji hêzên dagirker re. Tiştên ku hûn bi navê Kurdîtiyê dikin ji bo Kurd û Kurdistanê rûreşî ye. Dev ji vê rûreşiyê berdin.”

Rêxistin, partî û saziyên Kurdistanî yên li Ewropayê yên mohra xwe danîn binê daxuyaniyê:

YNK (Yektiya Niştimanî Kurdistan)

Tevgera GORRAN

KCDK-E (Kongra Civaka Kurdistaniyan-Ewrupa)

TJK-E (Tevgera Jinên Kurdistanê-Ewrupa)

Partiya ŞÛÎ Kurdistan  Basur

Kongra Star (Rêxistna Jin li Rojava, Bakur-Rojhilatê Sûryê)

Partiya Zahmetkêşan – Başûr

PADÊ (Partiya Azadî û Demokrasiya Êzîdiya)

Tevgera Azadî

PYD (Partiya Yekîtiya Demokrat)

P.D.K.S  (Partiya demoqrat a kurdî ya sûrî)

Partiya Çep a Kurd li Sûrî

Tevgera Nûjen ya Kurdistanî-Sûrya

PÇDKS ( Partiya çep a Demoqrat a Kurd li Sûriyê)

Partiya Demokrata Kurd li Sûriya( El Partî)

Partiya Çep a Demokrat li  Sûriya

Partiya Rêkeftin a Kurd li Sûrya

Partiya Çaksaziya Kurd li Sûriya

Partiya Kesk a Kurdistanî li Sûriya

Partiya Demokrata Kurdistanî li Sûrya

Partiya Komanist a Kurdistanî li Sûriya

PÎK (Partiya islamiya Kurdistan)

KKP ( Partiya Kominista Kurdistan)

Tevgera Kawa

PJAK(Partiya Jiyana Azada Kurdistan)

Yakyatî Şorşgêrî Kurdistan

KODAR  (Civaka Demokratîk û Azada RojhelatÊ Kurdistan)

KJAR (Civaka Jinên Rojhelatî Kurdistan)

Platforma Horam

Plattform Zagros

Plattform Yarsan

Yarî Kurd

Partiya Dimokrati Pêşvero kurdi Li Surîya

Tevçand (Tevgera Çand û Hunera Kurd)

Kurdische Gemeinde Stuttgart e.V

FEDA ( Federesyona Elewîyên Kurdistan)

NAV – YEK (Federasyona Komelên Êzidiya)

Kurdische Zentrum Berlin

CIK ( Civaka Islamiya Kurdistan)

Enstituta Kurdî – Almanya

Enstituta Kurdî – Bruksel

MŞD ( Meclîsa Şingal a Derveyî Welat)

YMK ( Yekîtîya Mamostayên Kurdistan)

YES (Yekitiya Êzdiyên Sûri)

Kurdisch Gemeinde Brandenburg – Berlîn

Dachverband der Êzidischen Frauenräte

DKF (Deutsch-kurdisches Forum) e.V  Dresden

Kongreya Gel a Mezopotamyayê.

Partiya Azadiyê ya Mezopotamyayê

Kurdistan human rights Association

ÇAVKANÎ: ANF