‘Emê heya dawî liberxwe bidin’
Çalakiya xelkê me ya bi armanca statûya şengalê dayîna qebul kirin, li dijî peymana Bexda û Hewlerê ya li ser Şengalê û destekdayîna Asayişa Êzidxanê hatîbû destpêkirin, di roja xwe ya 83’ yan berdewam dike
https://www.youtube.com/watch?v=082aO8_E9wg&feature=emb_logo
Çalakvan diyar dikin heta daxwazên wan pêkneyên, ewê dev ji çalakiyên xwe bernedin.
Welatiyên me li pêşiya Navenda Asayişa Şengalê kon vedane û çalakiya xwe ya bi dirûşma “Em hemû asayiş in” bi biryardariyek mezin berdewam dike. Çalakî ji aliyê meclis û saziyên me ve tê domandin.
Xelkê me jî kom bi kom rojane serdana konê berxwedanê dikin û pişgiriya xwe ya ji bo çalakiyê tînin ziman.
Endamê Meclîsa Xanesorê Hecî Îdo ji Rojnews re axivî û got heya niha ji aliyê hikûmeta Iraqê ve bersivek ji bo wan nehatiye dayîn û got; “Asayişa Êzidxanê, YBŞ’ û YJŞ’ hemû zarokên Êzidiyanin. Emê ji bo îrade û xweseriya xwe heta dawiyê liberxwe bidin.”
Îdo bal kişand ser êriş û gefên dewleta Tirk yên li ser Şengalê jî û wiha pêde çu: ”Dewleta Tirk a faşîst, dixwaze bi xeyalên bab û bapîrên xwe carek din bi navê Îslamê Êzidiyan qir bike. Lê belê bila Erdogan baş bizane em ê heta dawiyê li hemberî êrişên wî bêdeng nemînin û em ê li berxwe bidin.”
ÇAVKANÎ: ROJNEWS